Nimin chawhma dar 11 khan Pu S. Laldingliana Parliamentary Secretary chuan Lunglei District chhim lama Hmunphiah chingtute hnenah NLUP thawh hnihna a sem.

Pu Barminghama DO Soil Department Lunglei kaihhruaina hnuai ah NLUP hi sem a ni a NLUP trade hmunphiah chingtu chhungkua 69 hnen ah Rs. 5,280/- sem a ni.

NLUP dawngtute hi Tawipui ‘S’ Thingfal, Mualcheng ‘S’, Tawipui ‘N’ leh Thualthu atanga NLUP Beneficiaries te hnenah hlan an ni a, he NLUP semna inkhawm ah hian khuallian Pu S.Laldingliana chuan thu sawiin Mizoram sawrkarin NLUP Programme hmang a mirethei leh mi chhumchhia te din chhuahtir hi a tum ber ani ati. Rahbi tleu tawh rahbi tuksak hi sawrkar thiltum niin mirethei leh miharsate dam khaw chhuah nan sawrkarin kawng a dap sak a, NLUP awmzia hi hriat chian a tihlawhtling ngei turin dawngtute a chah bawk a ni. Taihmakna leh tih tak tak na thinlung pu chunga kan thawh chuan kan din chhuah ngei a rin thu a sawi bawk a ni. Taimakna leh rinawmna nen a midangte entawn tlak tur a thawk turin dawngtute a chah bawk a ni.Thu awih chung a thawktute chu an hlawh chham ngai dawn lo a ni ati. Pu Dinga chuan a sawizel na ah Sawrkar hmalakna ah hian mipuiten theitawp chhuah a tawiawm theuh turin a duh thu a sawi bawk.

He inkhawm ah hian sawrkar hmalakna leh hmasawnna hrang hrang tarlangin theihtawp chhuah a tawiawm theuh turin kal khawmte a chah bawk.