Nimin khan Mizoram Thalai Kristian Pawl (MTKP) ten Mizoram pum huap a,Environment Photo exhibition, Art & Culture Auditorium Lunglei Venglai-ah an buatsaih a. Pu Joseph Lalhimpuia, HPC Vice Chairman chu khuallian niin a hmanpui.

Khuallian Pu Joseph Lalhimpuia chuan Pathian leh sorkar programme, Mizoram History-a chuang reng tawh tur, Environment lama MTKP hmalakna hi a thlawn lovang a ti. Nungchate humhalh kawngah Serkawn chu a advance hle tih sawiin, Zosapte awm hunlai, kum 100 liam ta atang daih tawh khan Serkawnah chuan Thangkam te leh sava veh te an lo khap tawh a ni a ti. Environment humhalh kawngah, Pulpit tlang atanga hmalak chu a sawt ber a ni tiin, kawng dung a silai put vu vu te hi a zahthlak tawh a, kohhran mite thusawi hi kohhran mipuiten kan ngaih pawimawh thin avangin, helam kawngah hian nasa takin hma i la ho ang u a ti. Tui hna humhalh kawngah pawh keimahni hian kan ti khirkhan zo ta veka, awareness campaign nasa zawka kan neih a tul a ni a ti bawk.

MTKP ten nimin a environment photo exhibition an buatsaih ah hian, environment chhiat tawhzia leh humhalh tlak a la awm zia tarlangtheitu thalak tha ber an thlang chhuak dawn a, hetah hian thlalak 150 chuang thehluh a ni a, pakhatna, pahnihna leh pathumna te hian Rs, 10,000/-, Rs, 7,000/- leh Rs. 5,000/- bakah thuziak an dawng dawn a, consolation prize mi 5 ten Rs.1,000/- theuh an dawng dawn bawk a ni.