Mizoram sorkar in Qaumi Ekta Week November ni 19 - 25, 2011 chhung hian a hmang dawn a. A hawnna ni 19.11.2011 hi Pisa chawlhni a nih avangin ni 18.11.2011 Zirtawpni chawhma dar 11 ah hman zawk tur a ni. A hawnna thuchham rualna hmun atan New Civil Secretariat Building tual zawl-ah Chief Secretary Pu Van Hela Pachuau hovin officer leh staff zawng zawng in an hmang ang a. Old Civil Secretariat ah chuan Commissioner & Secretary, GAD hovin Block ‘A’ tualah an hmang ang. Department tin ten mahni office theuhah Head of Department kaihhruaina in an hmang thung ang.

He hapta hi ram hmangaihna, chi leh chi, hnam leh hnam inngeih tlanna leh hnam inpumkhatna lam infuih tharna atan a hman tur a ni.