Vawiin khan Lunglei High Powered Committee sum cheng nuai 10 seng a Tuizem Lunglei Govt. College a siam chu Pu S. Laldingliana, Vice Chairman High Powered Committee chuan a hawng.

Inkhawm hi Prof. L.H.Rothanga'n kaihruaiin Pu.S.Laldingliana chuan thu sawi in Govt. College tan HPC atanga thil te tak te a ti thei hi a lawm a, College leh zirlaite hmasawn theihna tur ah HPC in tanpui a inhuam thu a sawi a. Govt. College in zirna ah leh thil dang dang ah hmsawnna a hmuh avangin lawmthu a sawi a, chhim lam atangin miropui leh lehkhathiam tak tak an chhuak a, hun engemaw atang erawh chuan competitive lam ah kan lang thei ta lo chu pawi a ti a, tuna graduate thar te chu degree chauh ni lovin thiamna tak tak nen a hmalam hun hmachhawn tur a inbuatsaih turin a chah bawk. Sorkar hna luh dawn pawhin thiam tak tak te tan lo chuan dinchhuah a harsa tawh a. Chuvangin taimakna nen a zir turin leh competitive exam a tling thei tura inbuatsaih turin a chah bawk a ni. Quality tha zawkin college kalpui turin zirtirtute leh zirlaite a chah bawk.

Prof. Lalhmangaihi Hrahsel, Principal, Govt. College, Lunglei in lawmthu sawi in Pu S.Laldingliana'n tanpui an ngaih na a tanpui thin avangin a lawm a, Chief Minister zahawm tak in 4.72 crore hmangin College Auditorium cum Annex sak natur a pek avangin lawmthu a sawi bawk.