Mizoram State Election Commission chuan Mizoram-a District pahnih, Aizawl leh Kolasib District a 19 May 2016 a Village Council a By-Election a member thlan thar te chu 31st May 2016 aia tlai lovah Village Council Executive Body siamfel vek turin a hriattir a. 1st June 2016 ah Village Council thar ten charge la felin Returning Officer kaihhruaina in Sitting hmasa ber (First Sitting) neih vek tur a ni bawk.

Majority awm lohna (drawn) leh harsatna eng emaw bik avanga 31st May 2016 a Executive Body siam theilo te chuan acting Village Council President an siam anga, acting Village Council President te chuan 1st June 2016 ah Village Council charge an la tur a ni. Amaherawhchu, 6th June 2016 hma in Village Council Executive Body an siamfel ngei tur a ni.

Village Council thlan thar zawng zawng Executive Body 31st May 2016 a siam fel tawhte chuan 3rd June 2016 aia tlai lovah Executive Body an siam thar (list) chu anmahni bialtu Deputy Commissioner / District Election Officer ah an thehlut tur a ni. Executive Body 31st May 2016 a siam theilo te erawh chuan 8th June 2016 ah emaw a aia hmain emaw Executive Body an siam chu anmahni bialtu Deputy Commissioner / District Election Officer ah an thehlut ngei tur a ni.