Vawiin khan Lunglei Police Station ah Superintendent Of Police, Lunglei ruahmanna in City Police Flag Off na hun neih a ni. Pu S.Laldingliana, Vice Chairman, HPC chu khuallian ni in Mobile Patrol Van pahnih Lunglei khawpui chhim leh hmar a duty tur a vai liam.

City Police Flag off inkhawm na hi Pu J.Roliana, Dy SP, Hqrs inkaihruai in khuallian Pu S.Laldingliana chuan Lunglei khawpui hmasawnna rahbi pawimawh tak leh lawmawm tak a tel theih avangin lawmawm a ti a. Lunglei tan a thahnemngaitu SP kan nei hi a vanneihthlak a, Lunglei khawpui chhung traffic chungchang ah rualawhna a na a, kawngpui a te a lirthei a pung a. Lunglei hmasawnna tur hian ngaihtuahna a seng nasa a, traffic ziawm nan HPC, DTO leh Police thawhhona in parking mumal tak siam a ni a, hei hian lirthei leh mipui tan veivah a awlsam phah hle a ni a ti. Traffic police Branch hranpa neih theih nan tan lak a ni ang a ti. Lunglei a Sawrkar officer leh NGO te lungrualna avangin hmasawnna tam tak kan neih phah a ni a ti. Kan hma lawk a Hunpui lo thleng tur ah harsatna thleng lo turin tan la ila, Dan leh thupek ken kawh na ah harsatna awm lova a kal theih nan HPC chu a in hawn reng thu a sawi. Fur lai a Traffic Police duty  na a hak tur raincoat a pek tur thu a sawi bawk. Tanrualna leh thawhhona tha nen Lunglei hi Model Town ah kan siam thei ang. Lunglei Police decipline tha tak in nei hi khawpui timawitu in ni a ti. Traffic tih ziaawm nan Sazabangla atangin Sazaikawn leh Luangmual thleng in NEDP sum hmang in bypass road siam a nih tur thu a sawi.

Pu J.Lalthafamkima,MPS, SP  Lunglei pawhin thu sawi in Lunglei khawpui a Dan leh Thupek ah harsatna a awm loh nan Sawrkar in Gypsy thar pahnih Lunglei District tan a pek te chu Out Post ah dah in, Out Post motor hlui te chu chei tha in Mobile Patrol Van atan hman a ni a ti. Heng Mobile Patrol Van ah hian engtiklai pawhin SI emaw ASI hovin khawpui chhung an vil reng ang. Hei hian Lunglei khawpui chhung a sualna leh pawi khawihna a tlem phah in a ralmuan phah a beisei a ni. Heng motor ah hian siren, beacon light leh inbiak pawh zung zung theih nan wireless set vuah a ni.

 

 

Attachment

  • Loading attachment...