New Economics Development Policy (NEDP) Study Tour nei turin Serchhip Assembly Constituency huam chhunga Mizoram Upa Pawl member 17 te chuan tukin  zing dar 7:00 khan Serchhip an chhuahsan a, Pu Chuauhnuna, MCS, Addl. Deputy Commissioner, Serchhip chuan Serchhip Bazar atangin a vailiam.

Mizoram sawrkar Flagship Programme lian ber New Economics Development Policy (NEDP) Study Tour nei turte thlahna hun tawi Serchhip Bazara neih hi Pu K. Saitluanga,MIS, DIPRO Serchhip District in kaihhruaiin, Pu Chuauhnuna Addl. Deputy Commissioner chuan thu a sawi a, ram hmasawnna  tura thil pawimawh tak pakhat chu ram rorelna enkawltu sawrkar leh a hnathawkte  leh ram mipuite inkara inpawhtawnna tha, thawhona tha  leh inlaichinna tha anih thu sawiin, ram mipuiten sawrkar hmalakna an hriat ve vek a pawimawh ani, a ti a. Serchhip khawtlang tana thil tangkai  leh hmasawnna  tura thil pawimawh te rawn hawn ngei tura duhsakna hlanin a vailiam ani

Sawrkar chuan New Economics Development Policy (NEDP) hnuaiah hian Chanchinbu mite, Mizoram Upa Pawl leh a tul dan ang zelin midangte tan pawh Study Tour Programme a ruahman a. Tun hnaiah Serchhip District chhung atangin chanchinbu mi 4 te chu phai lamah an zin chhuak tawha, MJA Serchhip District tan hian Mizoram khawchhak lama zin chhuak leh turin ruahmanna kalpui mek a ni bawk a ni.

Vawiina Serchhip Assembly Constituency huam chhung atang MUP Study Tour nei turte hi member 20 thlan an ni a, amaherawh chu kal tura beisei thenkhat ten harsatna avanga an thulh avangin mi 17 in Aizawl hi an pan ta a ni. Aizawlah hian I&PR hotuten lo dawng sawngin, hmun thlan bik engemawzat an lo tlawh kual pui dawn a ni.