Nimin (10.6.2016) khan HPC CUP Lunglei Open 2016, Mizoram Badminton Association Ranking Tournament Dt.7-10.June 2016 inkar a neih chu kharna neih a ni. Pu S.Laldingliana, Vice Chairman, HPC chu khuallian ni in a hmanpui.

He tournament kharna inkhawm hi Pu Zosangliana, President Lunglei District Badmintion Association in kaihruai in report a pe a, he tournament hi category 17 a then a ni a, club  33 atangin players engemaw zat he tournament ah hian an tel a ni.

Khuallian Pu.S.Laldingliana, Vice Chairman, HPC chuan LDBA leh organising committee te chung ah lawmthu sawiin, he tournament tluang tak leh felfai tak a zawh a nih chu lawmawm a tih thu a sawi. Pu.Dinga chuan nakum HPC Cup Lunglei Open 2017 ah chuan carpet ah an khel ang tih a sawi.

Pu Zorammuana, IPS (Rtd) President Mizoram Badminton Associattion chu khual zahawm niin thusawina a nei a, Pu Lungmuanpuia, Organising Chairman chuan lawmthu sawina a nei a ni.