Nimin khan Parliamentary Secretary Pu S.Laldingliana chuan Lunglei-a SAI Extension Hostel thar Lunglei Bazar veng a mi chu Khuallian niin a hawng.

Pu S.Laldingliana chuan he Hostel hawn rual hian thuchah sawiin Zoram in nitinin infiamna kawngah hmelthar a hmu chho zel a. Thalaite hmakhaw ngai em em tu Chief Minister leh Sports Minister chak tak kan neih chu thangthar ten tunah hian a takin kan chhawr chho mek a ti a. He SAI Hostel thar atang hian Zoram ti hmingthatu Infiammi chher chhuah ni zel se a duh thu a sawi bawk.

He hunah hian Pu Joseph Lalhimpuia, Lunglei High Power Committee Vice Chairman pawhin thu sawiin Infiammite chu ruihhlo laka fihlim, kawng engkima mi invawng an ni tur a ni a ti. Pu Lianhmingthanga Asst. Director SAI chuan Technical report a pe a ni.

Lunglei SAI Extension Hostel atan hian Building thar sak zawh a la nih loh avangin RTP Cinema Hall hlui chu phalna la a cheibawl leh thuam that a ni a. He building cheithat hi nikum January thla atang khan kalpui tan a ni. Tunah hian Lunglei SAI hnuaiah hian Boxing ah zirlai 8, Judo ah zirlai 6 leh Taekwondo zirlai 5 an awm mek a. Anni hian Zoram huapah ah pawh achievement ropui tak tak an nei tawh a ni.

He hunah hian SAI Hostel naupang ten Demonstration hrang hrang hmuhnawm tak en entir bawk a ni.