Nimin khan Lunglei HPC Vice-Chairman Pu S.Laldingliana chuan Lunglei hming put chhan leh Nghasih zaua electricfication hna kalpui mek chu a hmunah tlawhin a enfiah.

HPC hmalakna hnuaia heng rama kawlphetha pekna tur hna kalpui mekah Ramthar Veng atangin Phase-I 11 KV Line thlunzawm zawh a ni tawh a. Nghasih zau chhungkua 33 ten tangkai taka an chhawr theih nan Phase-II 11 KV Line kalpui dan tur ruahman mek a ni. Pu S.Laldingliana chuan chhimlamin kawlphetha hnianghnar zawka an dawn theih nan P&E Department-in survey hna an zo tawh a, Melriat atangin electric line pawt zelin Kawmzawl-ah 132 KV Sub-Station bunna hna chu zaa 80% zawh tawh a ni, a ti. Hemi hna bultanna turin Special Plan Assistance hnuaiah Cheng nuai 285 hmuh tawh a ni.