Vawiin July ni 12 (ningani) chawhma dar 11:00 khan Pu S.Laldingliana Parliamentary Secretary, Health/UD&PA/Sports etc chuan a bial chhung Lunglei Salem Veng a NLUP Trade a Desktop Publishing thlangtu hlawhtling Pu J.Lalnuntluanga a tlawh.

Pu J.Lalnuntluanga hi Lunglei Salem Veng a awm niin kumin April 2012 khan NLUP dawng tura thlan a ni a, NLUP Trade atan Desktop Publishing thlangin hemi tum hian sum hlawm Rs. 100000/- a dawng nghal a. He NLUP sum a dawn hmang hian theihtawp a bul tan chhovin tunah hian hlawhtling takin a ding chhuak tan ta a, hnathawh sen loh neiin dawr leh thian ngamtlak zual te hnena hna han hlanchhawn lawp lawp tur te pawh a nei thei ta hial a ni. Vawiin amah tlawhtu Pu S.LalDingliana hova chuan dikna, rinawmna leh taimakna nena NLUP hi a dawngtute apiangin an hman phawt chuan dinchhuahpui tlak eizawnna tluantlin a nih zia a lang chiang hle a ni,a ti.

Vawiin vek, chawhnu dar 2:00 khan Mizo Film chhuak thar tur C.Lalhmangaiha (Mapuia), Director in ‘Khawnglung Run’ Preview a neih chu Pu Dinga hian a hmanpui bawk a ni.