Pu Joseph Lalhimpuia, Vice Chairman, HPC Lunglei chuan vawiin khan a office chamber, CMO Aizawl ah BSNL hotu PuC.Lalhmachhuana, Deputy General Manager(CM) leh Pu Khondu, D.E (Transmission), Office of GMTD te kawmin, Lunglei khawpui chhunga Telephone hrui hnawk lutuk leh hmun thenkhat a lei hnuaia telephone hrui phum tur hun rei tak chhung pawh a la phum zawh loh avanga mipuite tana harsatna nasa tak a thlen thu te a sawi pui a, he harsatna hi a rang thei ang bera sutkian a nih theih nan hma lo la turin a ngen.

Pu C.Lalhmachhuana,DGM (CM),BSNL chuan Lunglei telephone underground landline system chu March,2012 atanga bul tan a nih thu sawiin, contractor in chhungkaw lam harsatna a tawh avanga hna chhunzawm theih loh a nih dan leh, a rang thei ang bera chhunzawm tura hriattir a nih thute a sawi a. Hetiang a hriattir a nih hnu pawh a a chhunzawm lawk theih loh avanga Department lam pawhin siam that hna hi anmahni kuta dah a, Aizawl lam atanga hotute pawh intir a, siam that hna hi thawh thuai a nih dawn thu a sawi. He mi avanga harsatna mipui chunga thleng chu DGM chuan pawi a ti hle a, an hriattiamna a ngen a ni. Pu Mahima hnenah chuan hemi tifel tur a hma an lak nghal tur thu a hrilh bawk.