Vawiin khan Govt. Hrangbana College chuan an Zirlai Final Year te pualin Grand Dinner Chanmari YMA Hall-ah an buatsaiha a, he hun hi Pu T. Sangkunga, Mizoram Youth Commission Chairman leh Pu Lalrinawma, Principal ten an hmanpui a, zirlai leh zirtirtute an kal tha hle.

Pu T. Sangkunga chuan zirlaite fuihna leh chona thu tha tak tak leh eizawnna tura inbuatsaih dan tur thu tha tak tak a sawi a, zirlaite leh ngaithlatu ten hlawkthlak an ti hle a ni. Principal Pu Lalrinawma pawhin kal khawmte inlawmna thu a sawi bawk.

Department hrang hrang 10 atanga zirlai ten Item tha tak tak, hmuh nawm leh ngaihnawm tak tak an entir bakah Photo Session hun hlimawm tak an hmang a Tlaiah College Campus-ah zanriah an kilho nghal a ni.

Govt. Hrangbana College hian an zirlai Final Year te pual hian Grand Dinner hi an lo buatsaih tawh thin a. Kuminah hian Final Year Zirlai - Commerce-ah 82 leh Arts-ah 345, an vain 427 an awm a ni.