Vawiin khan Bethel Community Hall, Chhura hmunah Sericulture Department buatsaih in Sericulture Farmers Training neih a ni.

He training hawnna inkhawm, Pu Lalthianghlima, DSO kaihhruaiah hian khuallian Pu T.T. Zothansanga, Champhai North Bialtu MLA chu thu sawiin Sericulture hi Central scheme a nih angin Central sorkarin a ngai pawimawh hle a, Sericulture department pawh departmnt zinga langsar vak lo khan sorkar hmalakna avangin tunah chuan an rawn lian chho tawh hle a ni, a ti a.

Sericulture hnuaia farmer te chu phur tak leh tui taka thawk chhunzawm zel turin a duh thu sawiin thil thar chhuah pawh a man dik tak leh ba awm miah lovin sorkar chuan a lei zel a, hlawkna hi hmuh chhoh zel a ni dawn a ni, a ti. Sericulture ah hian sorkar leh a thawktute pawimawhna chu a inchen chiah avangin kawng engkimah farmer te nena thawhho zel a tul thu a tarlang bawk.

Pu T.T. Zothansanga hian CDP Assistant 5 hnenah rearing house sakna tur rangva a sem nghal a ni. Hemi hnu hian Pu B.N. Chowdhuri, Scientist C REC CSB hnen atangin thusawi ngaihthlak a ni a, chawhnu lamah theihmu chin dan te, silk pangngai khawi dan leh natna laka ven dan chungchangah mithiamten zirtirna an pe a, sawihona hun hman nghal a ni.

He training ah hian khaw hrang hranga farmr te bakah Sericulture department hnuaia NLUP beneficiaries mi 125 an tel thei a ni.