Parliamentary Secretary Pu TT Zothansanga chuan nimin (14.12.2015) khan Govt. Johnson College Researh and Extension Committee lehkhabu buatsaih “ Mizoram: Divergent Issues and Changes” chu a tlangzarh. He lehkhabuah hian article 12 awmin Govt. Johnson College-a zirtirtute 11 leh MZU research scholar pakhatin an ziak chuangin an vai hian research based niin English-a ziak a ni.

Pu TT Zothansanga chuan Mizote hi transitional period-ah kan awm a, kan intodelh hmain khawvel hmasawnna chak tak thlipuiin min nuai a, materialism lipuiah min hnuk lut a, engkim mai hi sum leh paiin kan teh ta hian kan khawtlang nuna Mizo ze tha leh Kristianna thlengin a nghawng kual vek a a ni tiin insiamrem leh insiam that kan mamawh a ni a ti. Professor te chu zirlai la puitling lo, puitlinga inngaite enkawltu an nih avangin an dinhmun pawimawhzia sawiin “zirtirtute hian classroom-ah zirlaite nen Mizoram kal zel dan tur in duang mek a, in tan hle a ngai a ni” a ti.

Professor te chu a tam thei ang bera lehkhabu ziak tur leh party awn bik nei lo tura a beisei thu leh mithiam leh zirna lama mi puitling an nih angin Zoram kal zelna tur atana kaihruaituleh hmalatu pawimawh tak an ni a, lehkhabu leh article chhiar manhla tak te chu professor ho kuthnu a nih fo thin avangin a lawmawm thu sawiin hetiang kawngah hian hmala zel turin a fuih.

Lehkhabu tlangzarh inkhawm hi Pu Rochamliana, Chairman Research and Entension Committee in kaihruaiin Principal Dr. K. Vanlalmawia pawhin thuchah tha tak tak a sawi a ni.