Pu V.L Robiaka, Bialtu MLA  Chairman ZIDCO chuan nimin chawhnu khan a bial chhung W. Phaileng Block huam chhunga khaw 20 a Primary School leh Middle School  te tan Computer set leh Laser Printer tangkai taka hman turin a sem. 

Khuallian Bialtu MLA chuan kan nitin hnathawhna hmun chu kan rawngbawl a ni tiin zirtirtute pawh naupang te duat tak leh an mahni dinhmun hre  chunga mi hmantlak tak ni tura chherchhuah chu an rawngbawlna leh an bat a nih thu a sawi a,  tunlai khawvel changkanna in aken tel  tlat chu information technology hi a ni a,  chutih rual erawh chuan a hmang thiam lo tan chuan kawng hrang hranga sualna a min hruailut tu a a ni mek a ni a ti,  chumi laka school naupang te venga kawngdik kawhhmuh turin zirtirute chu in pawimawh hle a ni a ti bawk. 

Khuallian chuan a bial chhung school ten an mamawh tak Computer set leh Printer an dawng chu lawmawm a tih thu a sawia, hmalak saktu sorkar chungah lawmna chang hre turin kalkhawmte a chah bawk a ni, bial chhung khaw hrang hrang village council ten an hman tur Computer set pawh sem tura ruahmanna kalpui mek a nih thu a sawi bawk. 

He hun khualzahawm ni a hmanpuitu Pu H. Lianzela Addl D.C Mamit pawhin zirtirtute chu an rah chu an zirlaite an nih tih hre thar leh tur leh mi hlawhtling tak chherchhuaktu ni tura an hna rinawm taka thawk turin a chah bawk a ni. 

Pu Micky Lalenkawla, DPC SSA Mamit chuan keynote address pe in ICT hmanga school-a zirna kalpui a nih theih dan leh school ten an tangkai pui dan sawiin, Digital Smart Class hi India ram hmun tam taka Elementary School ah te mumal taka kalpui a ni tawh thu leh Mamit District-a a hmasa ber atan Govt Middle School I Mamit ah ICT Digital Smart Classroom leh Interactive Smart Board dah tuma hmalak mek a nih thu a sawi bawk a ni. 

Nimin a sem tak Computer leh Laser Printer hi West Phaileng Block huamchhunga Primary School leh Middle School 20 te tan a ni, School pakhat tan hian computer set khat leh Laser Printer pakhat theuh pek niin West Phaileng Block huamchhungah hian school 60 tana sem tur  a ruahman a ni, heng bungrua te hi Multi- Sectoral Development Programme (MSDP) Ministry of Minority Affairs, Govt of India hnuaia sum hmuh atanga lei a ni. 

Computer set leh Printer semna inkhawm hi Dinthar Community HallW. Phaileng a neih hi Pi Lalnunthari, District Education Officer Mamit in a kaihruaia West Phaileng SDEO huamchhunga Govt, Govt aided & SSA Elementary leh Secondary School zawng zawnga Nodal Teacher te hnenah Govt Of India hmalakna thar School Standard Evaluation "Shalla Sidhi' chungchangah zirhona neih a ni a, School Education  leh Health & Family Welfare thawhhona hnuaia kalpui weekly Iron folic Supplementation (WIFS) mumal zawka kalpui a nih theihna turin Nodal Teachers te hnenah  zirtirna kalpui nghal a ni bawk.