Kolasib SDO(S) Pu V.Laldinsanga chuan vawiin khan kolasib DC Conference Hall ah Swasth SHG Pariwar (SSP) a hawng.

Swasth SHG Pariwar (SSP) hi Central Sorkar a Prime Minister Pu Narendra Modi Sorkar tharin ni 100 chhung a hmalakna tur atana Ministry of Housing & Urban Affairs in DAY-NULM hnuai a Self Help Group a in din Nu ho tan a a buatsaih a ni.  

He hun hi India ram pum ah July 2019 thla kar tawp ber atanga hmalak tan niin 2nd October 2019 hunchhung a hmalakna tur a ni a.    DAY-NULM hian Mizoram chhungah District 8 ah Self Help Group hi a din a Tun SSP hunchhung hian heng Self Help Group zing a hmeichhe member te a thlur bing dawn a ni.   

Tun SSP huamchhung hian Sorkar laipui duanchhuah Ayushman Bharat – Pradhan Mantri Jan Arogya Yojana (AB-PMJAY) hnuai a Health Insurance cheng Nuaih 5 thleng damdawiin a in enkawlna Bill theih leh POSHAN Scheme hnuai a Nu naupai leh nau hnute pe mek te tana hamthatna awm thei hrang hrangte Self Help Group member zing ami, hmeichhia BPL chhungkua atanga tel ten an hman tangkai theihna tur a AB Card/Golden Card an lakchhuah ngei nan leh Anganwadi Center ah te an in ziah luh ngei theihna tur a hmalak tum a ni.   

Tun dinhmun ah SHG hi Kolasib-ah DAY-NULM hian Group 110 din tawh a ni a Heng 110 SHG atang mipa member an awm zeuh zeuh a amaherawhchu hmeichhe member-te chauh hi he hmalakna in a target tur te an ni.   Chutih rualin Free Medical Check-up hi SHG a inziak lut te mai bakah an chenpui chhungte tan buatsaih a ni dawn bawk a.