Vawiin chhun dar 12:00 khan I&PR Auditorium-ah Zasanga IPS Rtd. lehkhabu ziah “Pu Zatluanga Thu leh Hla” tih chu H.Raltawna’n a tlangzarh.

Lehkhabu tlangzarh inkhawm hi Prof. Darchhawna’n a kaihruaia Rev. Lalrinawma’n hunserh a hmang. Lalnunpuia Hrhasel-in projector hmangin Book Preview hun a hmang.

Preview-tu chuan vawiina lehkhabu tlangzarh tak hi Mizo Literature tihlutu leh chhiar manhla tak tur lehkhabu a nih thu sawiin, chhinchhiah tur thil tam tak a awm bakah, hla thu ruah thamloh a awm thu te, sermon thlaktute tana inzirna ropui tak tur a inphum thu te a sawi.

Zatluanga Thu leh Hla hi phek 106-a chhah niin Rs. 100.00 man tur a ni a, he lehkhabuah hian Zatluanga Article, hla phuah sermon leh Mizo kuma thil pawimawh tak tak te a awm a, a buatsaihtu Zasanga hian kamkeuna a ziak zel bawk.

Tlangzarhtu Pu H. Raltawna IAS (Rtd.) chuan Pu Zatluanga chu bawrhsapte mi rin em em, circle interpreter, an aiawhtu tura an hman thin zing ami a ni a. A thiamna leh hriatna te thangtharte tana hnutchhiah duh mi a ni, a ti.