Pu Zodintluanga, Sports & Youth Services Minister leh Sr. Vice President Mizoram State Olympic Association nibawk hovin vawiin khan a office ah International Olympic Day hman dan tur sawiho a ni. He meeting ah hian International Olympic Day Organising Committee Member te an Secretary General Pu C. Laltlanthanga hovin  an tel a ni.

Kumin hian International Olympic Day ah hian Olympic Day Run chu nei lovin, Mizoram State Olympic Association President leh Chief Minister nibawk Pu Lal Thanhawla  hovin CMO Conference Hall-ah General Body Meeting neih nise, hemi zawh hian ‘Olympic ah engtin nge Mizote kan tel ve theih ang’ tih thupui hmanga sawihona neih nise tih rel a ni.

Modern Olympic hi 23^rd June, 1894 khan tan leh a ni a, he ni hriatreng nan hian International Olympic Day chu  23rd June 1948 khan din a ni ta a. He ni hi Mizoramah pawh Olympic Day Run te buatsaih  thin a ni a. Nikum 2015 atang khan Seminar te, Workshop ten he ni hi hman a ni ta.