Vawiin khan Information & Public Relations Minister Pu Lal Thanzara chuan Synod Conference Centre ah Pi B.Lalremtluangi lehkhabu ziak "Thilmak Chhuisen Loh (Lalpa Min Hmuhtir)" a tlangzarh.

Pu Lal Thanzara chuan Pi B.Lalremtluangi leh a pasal Pu R.Vanlalzauva te inpekna fakin Mizo thalaite nun siamthatna kawngah nasa taka tha thawhtute an ni, a ti a. Neihbawiha Discipleship Training Institute (DTI) kaltlangin Mizo thalaite thlarau lam nun an enkawl a, mi puitling ni turin an zirtir a, rawngbawlna kawngah leh eizawnna kawng dangah pawh heta tanga zirchhuakte hi an hlawhtling hle a ni, a ti.

Lehkhabu tlangzarh programme hi Prof. Laltluangliana Khiangte chuan kaihruaiin Dr.C.Biakmawia'n lehkhabu chhungthu thlirlawkna hun a hmang bawk.