November 10-14, 2009 chhung hian Pu Zodintluanga, Minister, I & PR etc. chuan Mar ‘S’, Laisawral, Sesawm, Bunghmun, West Kawnpui, Darngawn, Thenhlum, Changpui, Lungsen, Tuisenchhuah, Bolia, Zawlpui, Putlungasih, Kauchhuah, Belthei tlawhin Lunglei ah Chawlhni November 15, 2009 hi a hmang a ni.
Pu Zodintluanga hi a bial mipuiten an lo lawm hle a, an mamawh tam tak a pe a; Middle School leh High School ah MLA Fund atangin computer a pe theuh a ni. Mizoram sawrkarin mirethei chhanchhuahna tur NLUP chu kut hnathawktu chhungkaw tin pek tur a ni a, khaw tinah mi thlanchhuah bikte hnenah NLUP pek hmasak an ni anga; a dawng hmasate hian hlawhtling ngei tura hnathawhna atan hman tur a ni. Hmang diklo an awm chuan sawrkarin hremna dan a siam hmangin na taka hrem an ni ang. Tuna NLUP hi khawvelah Mizote retheihna lak ata chhanchhuahna tha ber a ni. Tichuan kum tharah mi dang tam zawk pek an ni leh anga. Retheihna ata chhanchhuahna tura sawrkar ruahmanna hi tihlawhtling turin mipuiten rinawm tak leh taima taka hnathawh a ngai a, a hlawhchham chuan mipuite dik lohna a ni ang, a ti.
Pu Zodintluanga hian khaw tinah infiamna hmanrua - football, volleyball leh net, etc. a sem theuh a ni. Minister hian Sertlangpui leh Lungchem inkar kawng, Jeepable Road hluihlawn tawh chu PWD ten JCB hmangin siamthat an tum a, Lunglei-Sertlangpui-Lungchem-Thenhlum-Bunghmun chu km 110 vel lekin a thlen theih thuai beisei a ni. Chu bakah Minister chuan Tuichawng-Marpara kawngpui km 30 leka hla hi BRTF in kawngpui an laih tawh a ni a, chei that leh nise Tlabung-Marpara-Aizawl hi km 215 lekin a thlen theih bakah Mizoram venhimna kawngpui tangkai ber a ni thei dawn a ni tih a sawi.
Pu Zodintluanga hi Aizawl atangin Dy. Director, I & PR in tawiawmin a bial chhungah S.D.O. (P & E) Serchhip, Bukpui, Pu C.Liantluanga, E.E. (PWD), Lunglei, Pu Thangpuia, E.E.(PHE), Pu Rengpuia, B.D.O., Bunghmun leh mi pawimawh dangten an tawiawm a ni.
Pu Zodintluanga hian khaw tinah infiamna hmanrua - football, volleyball leh net, etc. a sem theuh a ni. Minister hian Sertlangpui leh Lungchem inkar kawng, Jeepable Road hluihlawn tawh chu PWD ten JCB hmangin siamthat an tum a, Lunglei-Sertlangpui-Lungchem-Thenhlum-Bunghmun chu km 110 vel lekin a thlen theih thuai beisei a ni. Chu bakah Minister chuan Tuichawng-Marpara kawngpui km 30 leka hla hi BRTF in kawngpui an laih tawh a ni a, chei that leh nise Tlabung-Marpara-Aizawl hi km 215 lekin a thlen theih bakah Mizoram venhimna kawngpui tangkai ber a ni thei dawn a ni tih a sawi.
Pu Zodintluanga hi Aizawl atangin Dy. Director, I & PR in tawiawmin a bial chhungah S.D.O. (P & E) Serchhip, Bukpui, Pu C.Liantluanga, E.E. (PWD), Lunglei, Pu Thangpuia, E.E.(PHE), Pu Rengpuia, B.D.O., Bunghmun leh mi pawimawh dangten an tawiawm a ni.
