Ni 5&6, October 2009 chhung hian Mizoram- a SSA hnathawh dan a hmun a rawn zir turin Nagaland a Pu N.Konyak te nupa, Minister School Education & SCERT, Pi Angau I.Thau, State Mission Director, SSA leh Pu Nipusille Angami, Director of School Education leh Pu S.Nagi, MIS Coordinator te an lo kal a. Ni 5 October 2009 khan Lengpui Airport-ah lo tumin Sihhmui P/S leh Phunchawng Comprehensive School te an tlawh a, zanah Mizoram Education Minister Pu Lalsawta’n zanriah buatsaih sakin Pu Chawngtinthanga Parliamentary Secretary leh Department Officer te an tel a ni.

Anmahni lawmna puala function-ah Pu N.Konyak, Nagaland Education Minister chuan Mizoram SSA hnathawh a that thu ralkhat atanga an lo hriat chu zirtura lo kal an nih thu leh RMSA Project siam chungchangah mumal taka hma an la lak tan ve loh avanga Mizoram puihna an mamawh thu a sawi a, Mizoram in RMSA Plan siam zo a, Central sorkar a submit hmasa ber a an tang chu fakin a lawmpui thu a sawi bawk.

Minister Pu Lalsawta leh Parliamentary Secretary Pu Chawngtinthanga te pawhin theihtawpa Nagaland pui tura Mizoram chu a in huam thu an hrilh a, Mizoram an rawn tlawh avanga lawmthu an sawi bawk.

Nagaland Minister leh a hote hian ni 6.10.2009 khan SSA Boxing Academy, Karate Academy, Football Academy, BRC Aizawl E-I, Gilead Special School, Girls Hostel, Laldenga Computer Centre, Aizawl Music Academy bakah Directorate, State Mission Office leh Aizawl District Project Office te an tlawh a ni. Directorate Conference Hall a meeting-ah Nagaland Minister hian amah ngei a hmuna lokal a Mizoram hmalak dan a enduh chhan sawiin rei tak Nagaland chu SSA chungchangah a mutthluk tawh avangin tan lak thar leh dan tur an rawn zir a, RMSA Project, Model School Project leh Girls Hostel Project siam turin Mizoram atanga Consultant rawih a duh thu a sawi a, Mizoram hlawhtlinna-ah a lawmpui tak zet thu a sawi bawk.

Minister leh a hote hi ni 7.10.2009-ah Nagaland an pan leh ang.