Pu Zodintluanga, UD&PA Minister chu a bial Thorang Constituency chhunga PMGSY kawnglaihna tur thlithlai lawkna neia 18th May 2010 a a zin chu 19th May 2010 khan Aizawl a lo let leh.
Laisawral khaw mipuiten ropui takin Minister hi an lo lawm a, khawtlang mipuite nen hall-ah inkawm khawmna tha tak an nei thei a ni. Minister chuan mipuite hnenah NLUP chu Sorkar-in a sem tep tawh thu leh a hlawhtlin duh tak tak te chuan sem an hmanhmawh loh thu a sawi a ni. Minister chuan NLUP dawng tura mipui rilru la pelhe chuan sorkar lu a tihhai thu a sawi a. NLUP chu loneitute leh miretheiten lei rem an rah theihna tura sorkar ruahman a ni a, in sak thatna tur leh mamawh chi hrang hrang leina tura sorkar duan a nih loh thu a sawi. Minister chu Sesawm khuaah chawl lehin VCP inah inkawmkhawmna a neihpui a, an harsatna chi hrang hrang a sawipui a ni.
Hemi zan hian Bunghmunkhawtlang hruaitute nen inkawmhona an nei a , Bunghmun khaw mipuiten an tui lak an khamkhawp loh avangin Minister hian tui lakna dang PHE hotute nena tangkawpin hma a lakpui a, hman theih a nih tep tawh thu leh an lawmthu khawtlang hruaitute hian an sawi a ni.
May 19 zing khan Bunghmun YMA Hall-ah Minister chuan public meeting a neihpui a. Bunghmun khaw chhunga sorkar-in PWD Sub-division a dah tur chungchangah khawtlang hruaitute hnenah PWD hotute chuan sub-division an hawnna atan hian hmun remtha tak an mamawh dawn a, khawtlang mipuiten tha taka lo tawiawm turin a chah a ni. Vantlang inkhawm neih zawhah hian VC te leh khawtlang hruaitute chuan PWD Sub-division dahna tur hmun hi PWD hotute an enpui a ni.
Minister-in a bial chhung a tlawhnaah hian PWD hotuten an tawiawm a. Marpara VC leh khawtlang hruaituten Minister hi Marpara-ah an lo hmuak a, PMGSY kawngin a tan tlang tur khaw hrang hrang Bunghmun, Laisawral leh Sesawm khua te an tlawh a ni.
Hemi zan hian Bunghmunkhawtlang hruaitute nen inkawmhona an nei a , Bunghmun khaw mipuiten an tui lak an khamkhawp loh avangin Minister hian tui lakna dang PHE hotute nena tangkawpin hma a lakpui a, hman theih a nih tep tawh thu leh an lawmthu khawtlang hruaitute hian an sawi a ni.
May 19 zing khan Bunghmun YMA Hall-ah Minister chuan public meeting a neihpui a. Bunghmun khaw chhunga sorkar-in PWD Sub-division a dah tur chungchangah khawtlang hruaitute hnenah PWD hotute chuan sub-division an hawnna atan hian hmun remtha tak an mamawh dawn a, khawtlang mipuiten tha taka lo tawiawm turin a chah a ni. Vantlang inkhawm neih zawhah hian VC te leh khawtlang hruaitute chuan PWD Sub-division dahna tur hmun hi PWD hotute an enpui a ni.
Minister-in a bial chhung a tlawhnaah hian PWD hotuten an tawiawm a. Marpara VC leh khawtlang hruaituten Minister hi Marpara-ah an lo hmuak a, PMGSY kawngin a tan tlang tur khaw hrang hrang Bunghmun, Laisawral leh Sesawm khua te an tlawh a ni.
