Vawiin khan Pu Zodintluanga, UD & PA Minister chuan AMC Conference Hall AMC Office, Thuampui ah nihnih awh tur Orientation Programme for Elected AMC Councillors, 2016 leh AMC webpage a hawng nghal a ni. Dr. H. Lalthlangliana, Commissioner, AMC chuan inkhawm hi a kaihruai a ni.

Aizawl Municipal Corporation member-te tana a vawikhatna tur training buatsaih a ni leh AMC hnuaia dilna form hrang hrang te AMC Office Thuampui pan kher ngai lovin mahni in atanga lo download a, hman theih mai tur a chhawpchhuah a ni ta chu lawmawm a tih thu Pu Zodintluanga chuan sawiin mipui a mamawhtu ten an chhawr tangkai ngei a beisei thu a sawi a. AMC member te tana tih tur leh mawhphurhna a lian tual tual a, bul tanna tha a awm loh chuan a kal leh zelna turah a buaithlak tawh thin avangin a tir atanga zir nghalin hmalak a awlsam a, chuvang chuan training programme chu ngai pawimawh tur leh mithiam tak tak zirtir tu tur an ruat te hnenah chuan an hriat loh te zawt hreh lo tur in a chah nghal bawk.

Aizawl hmasawn zel na tur atana AMC member te tanrualna a pawimawhin States sorkar pawh an thawhpui thiam a ngai a ni tiin UD & PA Minister chuan Dr. H. Lalthlangliana, Commissioner, AMC kaihhruaina hnuaiah a thlamuanthlak thu leh hnathawktu kal loh thu hla ah file kal buai loh nan leh anmahni dawrtu mipuite tana hna khaihlak lo tura an tih theih chinah remruatna an siamfel vek tawh chu lawmawm a tih thu a sawi a. AMC member te chu mipuite tana thawk an nih hrereng tur leh tha taka training turin duhsakna a hlan.

Aizawl Municpal Corporation hnuaia dilna form leh chumi atana hriat tur tul hrang hrang download tura vawiin hawn tak hi AMC website AMC.MIZORAM.GOV.IN ah dah luh a ni a. Hei hi mahni in atanga mahni remchan dan anga print chhuaha a tul an gang fillup-a AMC Office ah thehluh mai tawh tur a ni.

A bul tan nan form lak theihna hi ruahman phawt a ni a, Online a dilna thehluh leh Registration tih dan tur la ruahman zui leh tum a ni.