Fisheries Department, Serchhip District chuan vawiin khan I&PR Conference Hall, Serchhip ah NLUP 3rd & 4th Phase beneficiary te pualin Training pawimawh tak an buatsaih a, Sangha Dil siam dan leh enkawl dan te, sangha no tam zawk thar chhuah theih na tura sangha tui tir dan te powerpoint presentation hmangin a lem nen uluk takin zirtirna an pe a ni.

Training kaihruaitu Pi Zonuntluangi, DFDO chuan NLUP dawngtute fuihna thu sawiin Sawrkarin NLUP dawng tlak a a ngaih mi tlemte zinga an tel chu a lawmpui rualin mawhphurhna lian tak an nei tih in hre tel se a duh thu a sawi a, dik taka an sum dawn te hmang tura hrilhin uluk taka an vil chhunzawm reng dawn thu leh diklotaka suman hmang anih chuan an intiamkamna ang ngei a an sum dawn tawh sa te pawh rulh let tir vek an nih tur thu a sawi pahin hlawhtling ngei tura a duhsak thu a sawi a, harsatna an tawk anih pawh inthlahrung miah lova Department a thawk te rawn thin turin leh an tana Training an buatsaih leh hunah pawh thahnemngai taka tel thin turin a chah bawk a ni.

Fisheries Department, Serchhip District hnuaiah hian NLUP 3rd Phase beneficiary 18 leh 4th Phase beneficiary 8, an vaiin beneficiary 26 an awm a ni.