India ram a Scouting Centenary (1909-2009) lawmnan Mizoram Bharat Scouts & Guides chuan Grand Camp Fire nimin khan AR Lammual ah an buatsaih a, he hun hi Pu Zodintluanga, Sports & Youth Services Minister-in hmanpui.
Pu Zodintluanga chuan Mizoram a sports chak lehzuala kalpui nan naupang te atanga sports discipline hrang hrang bultan nan Catch Them Young Policy kalpui a ni tawh a, thalaite khawvel chu sawrkar thil ngaih pawimawh hmasa anih angin Rajiv Gandhi Sports Stadium sak tan nghal anih thu te, Republic Venga Pitarte Tlang ah pawh Aizawl Indoor Stadium bultan anih dante a sawi a. Minister chuan NCC Air Wing pawh chak taka bawhzui zel a ni tiin thalaite tan nakin lawkah thlawhtheihna kalh zir a thei tawh dawn a ti a, chuvangin thalai thalaite hmakhua thlira sawrkarin ruahmanna a siam te hi a chhawr tangkaitu nih tum turin naupangte chu a sawm a ni.
Scouts & Guides movement hmuchhuaktu Lord Baden Powell chuan Brown City Island ah July 27 - August 9, 1907 chhung khan Experimental camp a nei a, thalai tlemte zinga lo tan chu UK mai nilovin khawvel hmun hrang hrangah lo darhin India ram a thleng a. 1992 khan Mizoram ah Diamond Jubilee Lunglei ah lawm a ni a. World Scouting Centenary hi 2007 khan England ah khawvel pum huap a hman a ni a, Mizoram ah pawh World Scouting Centenary lawmna kawngzawh a ni.
Grand Camp Fire inkhawm hi Pu Zoliana Royte, State Chief Commissioner, Mizoram Bharat Scouts & Guides in a kaihruai a, he State Camp Rally a tel zawng zawngte hian kumin Christmas leh Kumthar hunpui laia halpuah leh halmawi hal ve miah lo turin thu an tiam a ni.
Scouts & Guides movement hmuchhuaktu Lord Baden Powell chuan Brown City Island ah July 27 - August 9, 1907 chhung khan Experimental camp a nei a, thalai tlemte zinga lo tan chu UK mai nilovin khawvel hmun hrang hrangah lo darhin India ram a thleng a. 1992 khan Mizoram ah Diamond Jubilee Lunglei ah lawm a ni a. World Scouting Centenary hi 2007 khan England ah khawvel pum huap a hman a ni a, Mizoram ah pawh World Scouting Centenary lawmna kawngzawh a ni.
Grand Camp Fire inkhawm hi Pu Zoliana Royte, State Chief Commissioner, Mizoram Bharat Scouts & Guides in a kaihruai a, he State Camp Rally a tel zawng zawngte hian kumin Christmas leh Kumthar hunpui laia halpuah leh halmawi hal ve miah lo turin thu an tiam a ni.
