Pu Zodintluanga, Minister i/c Sports & Youth Services, UD & PA etc chuan Lawngtlaia a cham chhungin infiamna lama hruaitu te, khawtlang hruaitu te leh tlawmngai pawl te a kawm a. Lawngtlai khawchhunga mipui harsatna te ngaithlain a sutkian dan tur an ngaihtuah a. NH-54 a AOC atanga Bazar panna kawnghnuai lei tlahniama tui luanna (drain) siam dan tur leh Lawngtlai khaw chhunga UD&PA hmalak theihnate bakah Lawngtlai khaw chhunga khelmual hrang hrang chungchang te, CYLA playground-a phul lem (artificial turf) phah chungchang te an sawi ho.

Minister hian tukin zingah khan Lawngtlai Vengpui khelmual tlawhin Lawngtlai District Football Association te nen hmalak chhunzawm dan tur an thlir ho a. Minister hi Pu C. Ngunlianchunga, CEM, LADC leh Pu Lalremruata Kullai, IPRO, Lawngtlai ten an tawiawm a ni.