Vawiin khan Information & Communication Technology Minister, Pu Zodintluanga chuan Mizoram State Data Center, Secretariat Building Annex-1, Treasury Square-ami chu a tlawh.
Pu Zodintluanga hianMizoramStateDataCentersak mek hmunhma leh a thlen chinte enpuiin, hun reiloteah hna thawk thei tura peihfel a nih tur thu a sawi a; hemi atana pawimawh, power supply pawh karleh chhunga tihfel anih tur thu a sawi bawk. Minister chuan ICT Department hmalakna hrang hrangte tarlangin, chak zawk leh changtlung zawka kalpui dan turte department hotute nen an sawihova; Mizoramah mobile network tha zawk a awm theih nan sorkar building-ah mobile tower dah phalna hmuh a nih tawh thu sawiin, Policy Guidelines tur buaipui mek a ni a, hei hian Mobile Internet chak zawk leh ramchhung zau zawk a tuam thei dawn a ni, a ti bawk.
Mizoram State Data Center hi sorkar department hrang hrangten data leh information pawimawh zawng zawng, hmun khata an dahthatna tura ruahman a ni a; hei hi thu pawimawh dahthatna him zawk leh department hrang hrangten a hrana server hautak neih an pumpelhna tur a nih dawn bakah, mipuiten sorkar atanga an hriat duhte awlsam takin an hmu thei tawh dawn a ni. Tunah hian he Data Center-ah hian data hi 20 terabyte dahluh theih tura ruahman niin, hei hi 40 terabyte thlenga tihlen theih a ni ang a, nikhatah darkar 24 chhung hnathawk thei tur niin, Tranformer bakah Generator 100KV pathum bun a ni bawk.StateDataCenterhian venhimna (security/ firewall) tha tak neiin, chhiatrupna emaw harsatna pawh tawk se, back-up hi Delhi-ah a awm avangin, data leh information pawimawh dahthatte chu hmuh let leh vek theih an ni dawn a ni.
Mizoram State Data Center hi sorkar laipuia Department of Electronics & IT in a sakna tur sum, cheng vaibelchhe 30.88 tumin; Mizoram sorkara Department of Information & Communication Technology hnuaia Mizoram State e-Governance Society chu Implementing Agency a ni a; a sak hna hi Prithvi Information Solution Pvt. Ltd., Hyderabad-in an thawk a, June 2012 a thawk tanin, October, 2013 chhunga zawhfel tura beisei a ni.
