Vawiin chawhnu khan Sports & Youth Services Minister Pu Zodintluanga, Chairman Mizoram State Sports Council hovin Ramhlun Sports Complex-ah Mizoram State Sports Council (MSSC) General Body Meeting neih a ni a, Minister hian Chief Guest niin State-level Sports Association te hnena infiamna bungraw semna hun a hmanpui nghal bawk.
SYS Minister Pu Zodintluanga hian Ramhlun Sports Complex Multi Indoor Hall-a MSSC General Body Meeting chu kaihruaiin MSSC Budget 2010 - 2011 a pass pui a. Infiamna chi hrang hrang - Tug of War, Muay Thai, Taekwando, Wrestling leh Karate ah te National leh Regional championship Mizoramin a thlenna tur atana a kaihhnawih Association ten dilna an thehluhte pawm a ni bawk. Meeting-ah hian Pu P. Lianhrima, Secretary, SYS te, Pu Lianzuala Secretary MSSC leh Pu Zoliana Royte Director SYS te bakah MSSC member te an kal tha hle a ni.
Hemi hnu hian Pu Zodintluanga hian Chief Guest niin "Programme for distribution of Sports Materials to all State-level Sports Associations" a hman pui leh a. Ramhlun Sports Complex Field-ah he hun hi hman niin Mizoram chhunga state-level sports association hrang hrang 31 hnenah infiamna bungrua chi hrang hrang Rs. 93,76,790 /- man lai sem chhuah a ni. Chief Guest bakah hian Pu Robiaka, MLA, MIFCO Chairman te, Pu P. Lianhrima, Secretary, SYS te, Pu Ramzauva Vice President MSSC te, Pu Lianzuala Secretary MSSC te, Pu Thuamluaia Jt. Secretary MSSC te, Pu Rosangliana Fin. Secretary MSSC leh Pu Zoliana Royte Director SYS ten infiamna bungrua te hi Association hrang hrangte hnenah hian an hlan a ni.
Pu Zodintluanga chuan 'Catch Them Young' policy chungchang sawiin naupang talent nei tha te enkawl zui zel nan MSSC Budget-ah Rs. Nuai 40 lai Foreign Coach emaw, National Coach emaw rawihna turin dah a ni a ti a. Mizoram hmun hrang hranga infiamna tih hmasawnna tura Sorkar hmalakna te tarlangin thangthar ten infiamna lama hma an sawn zel a duh tih a sawi. Tin, SYS Minister Pu Zodintluanga'n North East Regional Director, Sports Authority of India (SAI) a ngenna avangin SAI hian SAI Aizawl-ah Football, Boxing, Table Tennis-ah te seat 38 leh SAI Lunglei-ah Judo, Boxing, Taekwando, Wrestling-ah te seat 40 a rawn pek belh bawk a ni.
Hemi hnu hian Pu Zodintluanga hian Chief Guest niin "Programme for distribution of Sports Materials to all State-level Sports Associations" a hman pui leh a. Ramhlun Sports Complex Field-ah he hun hi hman niin Mizoram chhunga state-level sports association hrang hrang 31 hnenah infiamna bungrua chi hrang hrang Rs. 93,76,790 /- man lai sem chhuah a ni. Chief Guest bakah hian Pu Robiaka, MLA, MIFCO Chairman te, Pu P. Lianhrima, Secretary, SYS te, Pu Ramzauva Vice President MSSC te, Pu Lianzuala Secretary MSSC te, Pu Thuamluaia Jt. Secretary MSSC te, Pu Rosangliana Fin. Secretary MSSC leh Pu Zoliana Royte Director SYS ten infiamna bungrua te hi Association hrang hrangte hnenah hian an hlan a ni.
Pu Zodintluanga chuan 'Catch Them Young' policy chungchang sawiin naupang talent nei tha te enkawl zui zel nan MSSC Budget-ah Rs. Nuai 40 lai Foreign Coach emaw, National Coach emaw rawihna turin dah a ni a ti a. Mizoram hmun hrang hranga infiamna tih hmasawnna tura Sorkar hmalakna te tarlangin thangthar ten infiamna lama hma an sawn zel a duh tih a sawi. Tin, SYS Minister Pu Zodintluanga'n North East Regional Director, Sports Authority of India (SAI) a ngenna avangin SAI hian SAI Aizawl-ah Football, Boxing, Table Tennis-ah te seat 38 leh SAI Lunglei-ah Judo, Boxing, Taekwando, Wrestling-ah te seat 40 a rawn pek belh bawk a ni.
Attachment
- Loading attachment...
