Mizorama a vawikhat nan vawiin dar 11:00 khan Labour & Employment Minister Pu Lalrinliana Sailo Office-ah Mizoram Building & Other Construction Worker's Welfare Board (Kuthnathawktu te ngaihtuahtu pawl) te chuan meeting an nei. He meeting-ah hian Welfare Board Office hawn chungchang te,  Account hawn leh a ngial ngheh chhoh zel dan tur chungchangte ngaih tuah ho a ni a, Member te an kal tha hle.
Mizoram Sawrkar chuan Building leh Construction worker-te he Board kal tlang hian an harsatna tawh ah te a tanpui thei dawn a,  hamthatna hrang hrang te hmang tangkai tur hian he Board hnuai ah  registration tih tur a ni. Registration fee Rs. 50/- aia tam tur a ni lo, Establishment/Workers-te in register chu, chhiatna an tawhin Welfare Board in a Welfare Fund atangin a tanpui thin ang. Workers' Welfare fund siam a ni bawk dawn a ni.
 
He welfare board pawh hi ataka hman theih anihna turin sawrkar pawhin Gazette a chhuah tawh nghe nghe a ni. Board enkawl tur hian Director, L& E chu Welfare Board Secretary & Executive Officer a ni dawn a ni.