Mizoram University Student Union buatsaih Post Graduate zirlaite inelna ni hnih awh tur Sports chu vawiin khan Sports Minister Pu Zodintluanga’n Aizawl Sipai Lammualah a hawng.

Pu Zodintluanga chuan nakin lawka ram hruaitu la ni mai tur thalai ten tih takna leh thahnemngaihna an neih a pawimawh, a ti. Zofate zingah thil tam tak thiam zul, chhawr tlak tak tak tura thiamna bik nei leh silo tam tak an awm hi in enfiah a tul a ni tih sawiin pass ringawta lungawi hi a tawk lo tih hria a, nakin lawka hna pawimawh tak tak chelh mai tur zirlai te chu taimakna leh tihtakzetna thinglung pu a ram siam tha turin a sawm a ni. Minister chuan University kawng a ngaihpawimawh thu sawiin kawng tha tak siamna tur UD&PA kaltlanga sorkar laipuiin sum vaibelchhe 19 chuang zet a pek tur thu leh Mizoram sorkarin he sum hi a dawn veleh Mizoram University panna kawng tha tak siam a nih tur thu a sawi lang bawk.

Department hrang hrang zirlaite chu Team 16-ah inthenin Football leh Volleyball-ah an in el a, naktuk tlaiah sports hi khar a ni ang.