Vawiin chawhnu dar 2:00 khan Pu Zodintluanga, Minister i/c UD&PA, SYS, I&PR etc chuan Tourist Lodge, Saiha-ah tualchhung chanchinbu mite a kawm.

He Press Conference ah hian Minister chuan M.A.D.C. inthlan muanawm leh felfai tak neih anih hnu a Results pawh tluang taka chhiar zawh a ni ta chu lawmawm a tih thu a sawi a, inthlanna-a Indian National Congress (INC) in M.D.C. Seat 25 awm zinga seat 15 lai an la thei chu lawmawm a tih thu sawi in, he inthlan result hian Mara ram mipui ten Mizoram Sorkar in miretheite chawikanna tura Flagship programme a kalpui mek, NLUP-a rinna an nghah zia a ti lang hle ani, a ti.

Pu Zodintluanga chuan kum tamtak chhunga Party malkhai in Sorkarna an siam theih tawh loh hnu-ah, tunah Congress Party in sorkar-na an siam thei hian Mara ram mipuite tan malsawmna nasa tak a thlen ngei a beisei thu sawiin, party malkhai sorkarna-ah reng reng hlemhletna a tlem in, hmasawnna nasa tak a thleng thin a ni , a ti bawk. He Press Meet hi Minister Pu PC Lalthanliana pawh in a telpui a, Saiha-a Tualchhung Chanchinthar thehdarh tute an tel kim hle ani.