Tukin zing dar 7:30 khan Pu Zodintluanga,Minister,Sports Department ,etc chuan SSA Office kawtah Lunglei District hmun hrang hranga SSA Mission zirlaibu kum 2013-2014 Academic session atana a thlawna sem tur a vailiam.

Inkhawm tawite neih a ni a, Pu R.Laldawngliana DPC, SSA Mission Lunglei chuan inkhawm kaihruaiin, Pu Zodintluanga chuan thusawiin Lunglei District SSA Mission hian scheme tha tak in siam a Thingtlang tan malsawmna in ni, a ti. Zirtirtu thenkhat chu hlawh lak ringawt tum,hna thawk tha peih lo an awm a,chung chuan SSA Mission a ti hmingchhia a ni. Chuvangin tang ho ila mitha leh lehkha thiam mahni post tura awm peih i la ang u. Mirethei ten zirna sang leh thiamna tha an neih theih nan Elementary Education atanga zirtirtu tha takte nen i tang ho ang u ,a ti.

Pu Kawlkunga Kawlni Dy.DPC in report pe in kum 2013-2014 academic session atana athlawna zirlaibu Primary school leh Middle School atana (English leh Mizo) semchhuah chu bu 36,997 a ni. Bengali Medium zirlaibu 3,727 a la thlen loh avangin semchhuah a la ni ve lo. Zirlaibu semchhuah te hi Tlabung Block, Eastern Block, Bunghmun Block leh Station Block te an ni.