Kum 2013 General Election-a Mamit District mipui vantlangte him leh lungmuang taka an awm theih nan Silai, amu leh puakthei lam chi reng reng khap a tul a ni tih hria-in Pu V. Lalremthanga IAS, District Magistrate Mamit District chuan CRPC 1973 Sec 144 in thuneihna a pek angin a hnuaia mi ang hian thupek a chhuah-
Mi tumahin Silai, amu leh puakthei lam chi reng reng Mamit District chhungah District Magistrate phalna lovin kawl, ken leh hman a khap tlat a, silai, a mu leh puakthei thil dang reng reng kawl chuan an awmna Police Station hnai berah ni 17th October 2013 aia tlai lovah an thehlut tur a ni.
He thupek hian silai leh Explosive Licence nei leh nei lote pawh a huam vek a ni.
He thupek hi a hma lama sut anih loh chuan thupek chhuah ni 7th October 2013 atanga inthlan Result puan hnu kar khat thleng a huam ang. He thupek hian Magistrate, Police, Armed Forces leh BRTF mite a huam lovang.
Thupek bawhchhiate reng reng Danin a phut angin nataka hrem an nih tur thu thupek hian a tarlang.
