3774/2022-2023

Aizawl,the 7th March 2023: Women's Polytechnic, Aizawlah March ni 6 (Thawhtanni) leh ni 7 (Thawhlehni), 2023 chhûng khân Eco Club leh NSS-te chuan ni hnih awh, Workshop an buatsaih a. He hunah hian thupui atan, “Art & Craft from Waste Fabric” tih hman a ni.

Hemi Workshop hi Mizoram Pollution Control Board-in a sponsor niin Women's Polytechnic, Aizawla an zirlai mi zahnih (200) chuang laite’n an kut themthiamna kawng hrang hrang an rawn pho chhuak a, puanchhia paih mai tur hnawksak leh kan chhehvêla kan paiha kan khawvêl tibawlhhlawhtu-a chang mai tur kha thil tangkai atân an rawn siamchhuak a, chungte chu hemi Workshop chhûng hian en theihin an pho lang a ni. Polytechnic zirlaite’n an rawn pho lan zîngah hian kawr hâk-leh-theih te, thawmhnaw dang te, bag chi hrang hrang te, in chei nâna hman chi târ mâwi hrang hrang leh in chhûng tihfaina hmanrua leh thil dang chi hrang hrang a tel a ni.

Women's Polytechnic, Aizawl hian he mi kawnga hmalâk chhoh zêl hi an tum a, kan khawvêl neih chhun duat taka enkawl tura inzirtirna leh Mizo hmeichhiate’n an kut themthiamna hmanga paih mai tur hmang tangkaia suma chantir kawngah tan lâk chhoh zêl an la tum a ni.