No.3114/2020-2020

Vawiin chawhnu khan Mizoram Legislative Assembly hnuaia Committee peng pawimawh tak Public Accounts Committe (PAC) chuan Champhai an rawn thleng a. Champhai Zotea ITI Building sak chu tlawhin an zirchiang a ni.

Public Accounts Committe hi an Chairman Pu Lalduhawma, MLA chuan rawn hovin member dang Pu Vanlalhlana, MLA, Pu K.T. Rokhaw, MLA leh Dr. Vanlaltanpuia, MLA te an rawn tel a. Champhai Zote a ITI Building sak chu tlawh nghalin, a hmunhma leh insak dante an enfiah hnuah Labour Employment, Skill Development & Entrepreneurship (LESDE) Department Official-te leh Contractor-te chu kawmin, an thil hriat duh leh mamawh angte an zawtfiah a ni.

PAC Member te hi Aizawl atangin Assembly Secretariat Officer-te bakah LESDE Department Officer te'n an rawn tawiawm a. Zanin Champhai ah riakin naktuk hian ITI Building Chhiahtlang, Serchhip District an tlawh leh dawn a ni.