554/2025-2026

Khawzawl, dated 23rd May 2025: Vawiin khan Public Accounts Committee (PAC) chuan Leader of Opposition leh PAC Chairman ni bawk Pu Lalchhandama Ralte hovin Khawzawl an tlawh a, District Hospital inenkawl dan leh inkaihhruai dan chungchang an enfiah a ni.

PAC chu DC Auditorium-ah Khawzawl Bawrhsap Pu K. Vanlalthiana, District Hospital hotute leh Health Department hotute an kawm a, hospital hmalakna te, damlo enkawlna khawl leh damdawi neih zat leh an enkawl dan te, staff an neih zat leh office inkaihhruai dan te an zawt a ni. Hospital hotute chuan chhanna tha takin an pe thei a, an mamawh te leh an veizawng te pawh an thlen bawk a ni.

He hun zawh hian PAC chuan District Hospital chu an tlawh nghal a, a hmunhma leh a building awm dan te endikin building leh quarter sak lai mek te an en bawk a ni.

PAC hi Legislative Assembly-a officer leh thawktu thenkhat te leh Health & Family Welfare Department thawktu thenkhat te'n an tawiawm a ni.