No.3707/2021-2022

Aizawl, 18th January, 2022 : Vawiin khan Mizoram State Legislative Assembly hnuaia Public Accounts Committee chu Chairman Pu Vanlalhlana MLA hovin Assembly Committee Room-ah an thukhawm a. Mizoram sawrkar sum hmanna leh hemi chungchanga enzui ngai te an thlir ho a ni.

Tun tum hi 8th Assembly chhunga PAC thutkhawm vawi 42-na a ni a. PAC hian Comptroller & Auditor General of India report behchhanin sawrkar hnathawh hrang hrang, a bikin department te sum hman dan kimchang a enzui thin a. Tul leh tha a tih angin House kaltlangin sawrkarah rawtna te thlenin sawrkarin heng rawtna te a bawhzui dan pawh a vil zui thin a ni.

PAC hi India ram Provincial Government awm lai kum 1921 December thla khan din a ni a. Nikum December ni 4&5 khan Parliament Public Accounts Committe kum za tlinna champha lawmna Parliament Central hall-ah neih a ni a. India President Pu Ram Nath Kovind-an Centenary lawmna hi a hawng a. Hetah hian PAC in chak zawk leh awmze neia hna a thawh dan tur chungchang te sawihona neih a ni a. Mizoram atangin Assembly Speaker Pu Lalrinliana Sailo hovin PAC Chairman Pu Vanlalhlana leh member dang te leh official te pawh an tel a ni.