No.3708/2021-2022

Aizawl, the 18th January, 2022 : Vawiin khan Serchhip DC Conference Hall ah tun thla ni 26 a lo thleng tur India Republic Day, 2022 lawm dan tur relin Pi Nazuk Kumar, IAS, Bawrhsap hovin an thukhawm.

Chairman Pi Nazuk Kumar chuan, kan ram ni pawimawh champha lo thleng tur hi Serchhipah pawh urhsun taka hman kan tum ang a, amaherawh chu kan hriat theuh angin Covid19 hripui len lai a nih avangin hri laka himna dante tha taka zawm chunga ruahmanna kan siam a ngai dawn a ni, tiin member kal khawmte a chah hmasa a ni.

Meeting hian Republic Day chu zing dar 9:00 ah DC Office tualah a lawmna pui ber neih leh mai ni se tha an ti a. Head of Offices, chanchinbumite leh tlawmngaipawl aiawhte sawm ni se, mi 50 aia tam lo kal khawm tura ruahmanna siam ni se tha an ti a ni. Tin, kum danga an lo tihtawh thin angin he ni puala thilpek pawh Home hrang hrang, Jail leh Hospitals ah te pek chhuah leh ni se an ti bawk. Mawhphurhna hrang hrangte pawh an insem nghal a ni.

Meeting ah hian Serchhip a Head of Offices zawng zawngte leh tlawmngaipawl aiawhte, chanchinbumite an tel a ni.