Vawiin chawhma dar 10.00 am khan Chief Secretary Pu Lalmalsawma kaihhruaiin Chief Secretary’s Conference Room ah Public Affairs Centre, Bengaluru te’n tunhnaia India rama State sawrkar hrang hrang te inrelbawlna (state of governance) an zirchianna “Public Affairs Index” chungchang presentation neiin he zirchianna kaihhnawih Department Secretaries te nen meeting neih zui  ani.

Public Affairs Index in a tarlan danin India rama State Te (small states) zingah Mizoram chu Pakhatna niin “Certificate of Excellence” pawh Mizoram Sawrkar aiawhin Chief Secretary in 12th March, 2016 khan Chief Justice of India hlui Justice (Rtd) M.N. Venkatachaliah hnen atangin a lo dawng tawh ani.

He meeting ah hian Public Affairs Centre atangin Director R. Suresh leh “Public Affairs Index” buatsaih kawnga a sulsutu ber Dr. C.K. Mathew, IAS (Rtd), Senior Fellow, Public Affairs Centre te’n Secretaries te hma ah presentation an nei a. Public Affairs Index buatsaih nan hian India rama State hrang hrang 29 te chu population a zirin State Lian leh State Te ah then anni a, State te dinhmun zirchian nan hian tehna hlawm lian theme hrang hrang 10 thlanchhuah ani in heng theme te hi tehna hrang hrang 68 ah thliar sin leh ani. Public Affairs Centre hian heng tehna hrang hrang atan hian anmahni in a hranga survey emaw data collection emaw nei lovin Central/State Sawrkar data awmsa te hman anih thu an tarlang  tel bawk.

Public Affairs Index in a tarlan danin State Te 12 te zinga Mizoram dinhmun chu hetiang hi ani:

Sl. No.

Theme

Ranking

(Small States)

Overall Ranking (Small States)

1)      

Essential infrastructure

8

1st Position

2)      

Support to human development

3

3)      

Social protection

1

4)      

Women & children

2

5)      

Crime, Law & order

3

6)      

Delivery of justice

7

7)      

Environment

2

8)      

Transparency and accountability

4

9)      

Fiscal management

11

10)  

Economic freedom

8

He meeting a tarlan danin Mizoram chuan heng tehna hrang hrang zingah hian Social welfare, Education, Environment leh Law & Order lamah a titha hle a, tin, tehna dangah pawh a vantlang pawl tak anih zel avanga Pakhatna dinhmun luah thei ani tih tarlan ani. Chutih rualin tehna thenkhat heng fiscal management leh infrastructure lamah erawh Mizoram in hmasawnna tur a la ngah hle tih a lang bawk.

Public Affairs Index buatsaihtu Public Affairs Centre hi “not for profit organisation” niin kum 1994 khan IIM Ahmedabad Director hlui Dr. Samuel Paul (L) hmalakna a din ani a, sawrkar inrelbawlna tha a awm theih nan a mipui nawlpui leh NGO te’n tha an thawh theih dan tur ngaihtuahtu pawl pawimawh tak ani.

Attachment

  • Loading attachment...