Vawiin chawhnu khan Telecom Regulatory Authority of India (TRAI) bultumin ‘Consumer Outreach Programme ’ chu Aijal Club-ah neih a ni a; telecom service provider hrang hrangte leh consumer leh department official thahnem tak te’n an chhim.

He intawhkhawm programme in a tum ber chu mipuite an chanvo inhrilhhriat leh inzirtirna hun niin, consumer te’n tangkai taka service an dawn a an harsatnate sutkianpui dan inzirtir a ni. Mobile Tower atanga radiation a pek chhuah chungchanga thil hriat felhlel deuh te pawh Pu Agneshwar Sen, TRAI Advisor chuan power point presentation hmangin chiang takin kalkhawmte a hrilh a; pawngpaw hlauh ngawt tur a ni lo a ti. India ramah chuan International Standard Norms ai pawhin a that zawk bakah mobile tower atanga radiation-in natna a thlen tih finfiah thei tumah an la awm lo, a ti.

TRAI Advisor dang Pu S.K. Singhal pawhin Power Point hmangin Cable TV Digitisation chungchang sawiin, tunah chuan consumer te’n channel tamtak, fiahfai zawk leh duh zawk thlan theih tura chhawpchhuahna a ni, a ti a; pay channel leh Free-to-air (FTA) danglamna tlangpui a tarlang bawk a ni.

TRAI Dy. Advisor Pu G.S Panwar chuan power point presentation-in All India Mobile Number Portality (MNP) leh Value Added Services (VAS) bakah Unsolicited Commercial Communication-te tih dan tur leh tihtawp dan tur bakah complaint thehluh dan turte zirtirna a pe bawk a ni.

He programme hi Pu Jayanta Kole, Joint Advisor, TRAI-in kaihruaiin zawhna leh chhanna hun neih nghal bawk a ni.