Naktuk Nov. 6 atanga Nov. 8 chhung hian Kolasib District chhunga khaw pathumah Public Information Campaign, Press Information Bureau, Central Media te leh Mizoram sawrkar tang kawp buatsaihin neih a ni dawn a. Naktuk zing dar 10:30 ah Pu Hmingdailova Khiangte, MLA, Tuirial Consty & Chairman ,Mizoram Youth Commission chuan Thingdawl Community Hall-ah a hawng ang.

Public Information Campaign hi Thingdawl-bakah Hortoki-ah ni November 7 ah neih a ni ang a. Bukpui ah November 9 ah neih a ni leh ang. Heng khuaah te hian Mobile Medical Unit, Kolasib chuan a thlawna inentirna Outreach Clinic Programme a buatsaih dawn a. khaw mipui ten an rawn theih turin Doctor thiamte an thu dawn a ni. PIC main venue Thingdawl-ah hian Exhibition neih a ni dawn bawk a. Central scheme kaltlanga hmalakna hrang hrangte tarlan leh puanzar a ni ang.