Bharat Nirman Public Information Campaign Kolasib District-a neih mek chu a ni thumni vawiin khan Thingdawl Community Hall-ah chhunzawm leh a ni a. Chawhma inkhawm neihah Thingdawl VCP Pu VZ Kapmawian khuallian niin a hmanpui a. Pu Biakchungnunga, Core Committee, PIC in a kaihruai a ni.

Technical Session chhawng hnih nei zuiin hetah hian department paruk atangin central scheme hmanga hna an thawh dan ngaihthlak a ni a. Mipui lam atanga zawhna te chhan a ni. Ni thum awh PIC ah hian department hrang hrang state leh central 20 chuangin an hnathawh pholanna exhibition an nei a. Mipuiin an hlut hle. NRHM atangin Thingdawl, Hortoki leh Kawnpui ah te Health Camp neih a ni a, mipui ten hei hi an chhawr tangkai hle a ni.

PIC hi vawiin tlai khan tih tawp a ni ta a ni. Vawiina Kawnpui a Health Camp neih ah hian mi 500 bawr vel an inentir a ni.