Dt 1.2.1017 (Nilai) dar 4:00 PM khan Civil Service Coaching Centre chu Pachhunga University College-ah Dr. C. Vanlalramsanga IES, Secretary Government of Mizoram chuan a hawng. 

Dr. C. Vanlalramsanga chuan Civil service hi Mizo thluak hian a phak ve zia leh zirna eng medium atanga chhuak pawh ni se taihmakna leh teirei peihna an neih chuan theih loh tur a awm lo, a ti a. Exam hunlai a pawimawh ang bawkin hnathawh huna ram tana thahnemngaih a tulzia leh pawimawhzia te a sawi.

Hawnna inkhawmna hi Dr. Tawnenga, Principal chuan a kaihruai a, Coaching Centre hi UGC hnuaia College With Potential for Excellence atanga kalpui a nih thu a sawi. Principal chuan Mizote kan thatna ber chu Human Resource lamah a ni tiin theihtawp chhuahin Mizo Thalaite tan College chu a pen zel tur thu a sawi. 

Coaching centre session hi February - April thleng neih tur a ni a,  coaching-a expirience nei tha  tak tak te'n an vil dawn a ni. Zirlai145 lak tawh niin, an zingah hian PUC zirlai 50 an awm a. A dang zawng hi pawn lam atangin lak an ni.