Govt. of India, Ministry of Human Resources Development thu angin India Independence hnua Education Minister hmasa ber, Maulana Abdul Kalam Azad piancham Nov. 11, 2009 (Nilai ni) chu National Education Day a hman a ni a. Pachhunga University College a hemi pual hun 1:30 p.m. a hmanah chuan Vice Principal, Dr. C. Lalrawna’n inkhawm a kaihruai a ni.
Dr. J. V. Hluna, History Head of Department chuan Pu Azad-an India zalenna atana a thawh nasatzia leh Education hmasawn nana a thawh thatzia a sawi a. Dr. Hluna sawi danin Pu Azad-a hnathawha chhinchhiah tlak ber ber chu, “Sakhaw hrang nih avangin hnam a hrang lo va; Mosolman sakhaw bu, Quran in tharum thawhna a zirtir lo, Hindu pawh a lian ber an nih avangin sakhaw tenau te duat leh enkawl thiam takin an awm tur a ni bawk. India mi vek kan nih avangin inngeih dial diala cheng ho tur kan ni” tiin a zirtir a ti.
Principal Dr. Tawnenga’n MZU leh PUC hmasawnna te ngaihnawm takin a sawi a. MZU in Under-Graduate level a Semester System introduce a tum dan kalphungte chiang takin a hrilhfiah hnuah National Education Day pualin Faculty Member ten zanriah tuihnai tak an ei ho va, an hlimin hlawk an ti hle.
Principal Dr. Tawnenga’n MZU leh PUC hmasawnna te ngaihnawm takin a sawi a. MZU in Under-Graduate level a Semester System introduce a tum dan kalphungte chiang takin a hrilhfiah hnuah National Education Day pualin Faculty Member ten zanriah tuihnai tak an ei ho va, an hlimin hlawk an ti hle.
