Sawrkar laipui chuan kum 1990 atang khan chi leh chi, hnam leh hnam inkara inhmuh thiam lohna avanga buaina kara mite chhanchhuaktu, mi huaisen leh hnathawk thate hnenah Puraskar lawmman a pe thin a. Hei hi ram chhunga inunauna leh inngeih ho dial diala chen ho a pawimawh zia zirtirna leh chutiang thil thawktute hnena chawimawina ropui tak a ni.

A dawng thei turte chu:

Intihbuaina kara (communal riots) kara mi (a tuartu hnam/ chhan ngai te) nunna emaw an bungrua lo venhim saktu te emaw  chi leh chi inkara buaina (Caste conflict) chhuah laia mite (a tuartu chi/ chhanchhuah ngai te) nunna emaw an bungrua venhim saka lo chhantute emaw, hnam bil leh hnam bil intihbuaina (ethnic clashes) kara chhan ngai zawk emaw venhim ngai zawkte nunna emaw an bungrua lo venhim saktute an ni a. An hnathawh ropui dan a zirin lawmman hi chi (grade)  thumah thenin Grade 1 ten lawmman tangkafai Rs. 2,00,000 leh citaton, Grade 2 ten Rs. 1,00,000 leh citation, Grade 3 ten Rs. 50,000 leh citation an dawng thin a ni.

Hetiang lama hnathawk tha, Puraskar lawmman dawng tlak nia ngaihte hming thehlut duh tan hun hawn mek a ni a. Serchhip District chhunga dil duh tan SDO Sadaar Office leh DIPRO Office ah te ngaihven theih a ni a. District danga mite tan an awmna District Bawrhsap pisaah leh an DIPRO Office ah te ngaihven theih a ni ang.

Dilna hian May ni 5, 2017 aia tlai lovah Mizoram Home Department a thleng hman tur a ni a. An nin sawrkar laipui lamah an thawn thla ve leh dawn a ni.

Rawtna lut hrang hrangte hi sawrkar laipuia Screening Committee ten an enfiah anga, a dawng tlak nia hriatte chu 2^nd October, 2017 ah an puang chhuak dawn a ni.