Vawiin khan Lunglei I&PRO Conference Hall ah Divisonal Horticulture office Lunglei buatsaih in RKVY 2015 - 2016 leh North East Initiative Developement Agengy (NEIDA) tangkawp in Lunglei District chhung a Purunsen ching tur chhungkua 50 an thlanchhuah te hnen ah chin dantur zirtirna pek an ni.

Pu V.Lalremsanga, HEO , Lunglei Circle in inkhawm kaihruai in Pu JH.Zosiamliana, HEO, Lunglei Division in Purun ching tute hnenah purun chin dan zirtirna a pe a, Horticulture Department in a tum ber chu Mizoram in Purunsen a kan in todelh hi a ni a ti a, purunsen chin dan, natna hrik lak a ven dan, a enkawl dan te zitrna a pe a, tunlai thiamna hmang a purunsen chingtute chuan hectre 1 ah 250qntls atanga 300 qntls an thar chhuah theih thu a sawi. Taihmakna leh tih takna nen a hma in lak chuan Purunsen chingtute hian hlawhtlinna in neih ngei ka beisei a ni a ti. Purunsen chingtute hnen ah hian purun tiak Sang riat (8000) theuh chhungkaw khat(1) hnenah an sem nghal a ni.