Rampuma faina beihpui thlak mek bawhzuiin Project Pushpak chuan September ni 15, 2017 atang khan faina beihpui a thlak tan ve a; an huamchhunga National Highway-ah hnatlangin nimin October ni 2, 2017 khan Zemabawk-a National Highway-ah hnatlang an nei a ni.

Project Pushpak-in faina hnatlang a huaihawtah hian officer leh staff te bakah an nupui fanaute an thawkchhuak vek a. Chief Engineer Brig.Birender Singh chuan India Hnam Pa Mahatma Gandhi hmathlir tipuitling turin ram mipui zawng zawngin tanlak an ngai a, Pushpak pawhin ‘Clean Mizoram-Healthy Mizoram’ tih thupui hmangin faina kawngah hmalak zel an tum thu a sawi.