Vawiin khan Rajat Auditorium, Project Pushpak Aizawlah Pushpak Primary School, Zemabawk chuan an school din champha ‘41st Annual Day’ lawmna hun an hmang a. Pushpak Primary School Chairman chhuak mai tur, Chief Engineer Brig. Birender Singh leh Chairman thar tur, Chief Engineer Pu Manv Prasad chuan lawmna hun hi an hmanpui a ni.

Brig. Birender Singh chuan zirlaite tana nu leh pa leh zirtirtute thawhrimna chuan rah tha a chhuah ngei a beisei thu a sawi a. Pushpak Primary School hotute fakin zirlaiten  hma an sawnna turin nasa taka hmalak a ni, a ti a. Zirlai tithate hnenah lawmman semna hun a nei nghal a. Zirtirtute leh zirlaiten hun hlimawm tak an hmang ho a ni.