2363/2026-2027

Aizawl, dated 25th September 2026: Vawiin khan Engineer-in-Chief, Public Works Department (PWD) Conference Hall-ah National Informatics Centre kaihhruainain e-Office hman dan tur PWD hnuaia hnathawkte tan inzirtirna vawi khatna neih a ni.

He hunah hian Chief Engineer (Planning) Pu Vanlalzuala chuan khuhhawnna hun hmangin e-Office hi sawrkar department tan chuan kawng chi tin renga tangkai tur leh hna ti chak tur a ni tih a sawi a, he huna kalkhawmte tha taka zir turin a chah a, mahni office emaw division emaw sub-division-a zirtir chhawngtu an nih dawn avangin zirtir thiam thei tura inring tel turin a chah bawk.

He hunah hian e-Office Protect Manager Pu Remsangpuia Vaiphei leh Project Lead Pu Lalsangliana te'n zirtirna hun an hmang a, e-Office awmzia te sawifiahin e-file hman dan tur te, a workflow te an zirtir a ni.

Tun Thawhtanni (September ni 28) hian PWD thawktu dang tan inzirtirna neih leh a ni ang.